Johnnie Cope (Are Ye Waukin Yet?)
Adam Skirving
During the 1745 Rising, the Jacobite Army surprised Sir John Cope's army at dawn while the men
were still asleep.  Cope barely escaped with his life to tell of his own defeat.
Appropriately, this tune is often played for "Reveille"
Cope sent a challenge frae Dunbar,
sayin "Charlie meet me an' ye daur;
An' I'll learn ye the airt o' war,
if ye'll meet me in the morning"

O Hey! Johnnie Cope are ye waukin' yet?
Or are your drums a-beating yet?
If ye were waukin' I wad wait,
Tae gang tae the coals in the morning

When Charlie looked the letter upon,
he drew his sword and scabbard from,
Come, follow me, my merry men,
and we'll meet Johnnie Cope in the morning

Now Johnnie, be as good as your word,
come, let us try baith fire and sword,
And dinna flee like a frichted bird,
that's chased frae its nest i' the morning

When Johnnie Cope he heard o' this,
he thocht it wouldna be amiss,
Tae hae a horse in readiness,
tae flee awa in the morning

Fye now, Johnnie, get up an' rin,
the Highland bagpipes mak' a din,
It's better tae sleep in a hale skin,
for it will be a bluidie morning

When Johnnie Cope tae Dunbar cam,
they speired at him, "Where's a' your men?"
"The de'il confound me gin I ken,
for I left them a' in the morning"

Now Johnnie, troth ye werena blate,
tae come wi' news o' your ain defeat,
And leave your men in sic a strait,
sae early in the morning

In faith, quo Johnnie, I got sic flegs
wi' their claymores an' philabegs,
Gin I face them again, de'il brak my legs,
so I wish you a' good morning

Printer Friendly
Return to Home Page Return to Words to Pipe Tunes
Return to Bagpipe Instructional Section