|
Oh
rowan tree, oh rowan tree,
Thou'lt aye be dear to me
Entwined thou art wi' mony ties
O' hame and infancy.
Thy leaves were aye the first of spring
Thy flowers the simmer's pride
There wasna sich a bonnie tree
In a' the country side.
Oh! Rowan tree.
How fair wert thou in simmer time
Wi' a' thy clusters white;
How rich and gay thy autumn dress,
Wi' berries red and bright!
On thy fair stem were mony names
Which now nae mair I see,
But they're engraven on my heart,
Forgot they ne'er can be.
Oh! Rowan tree.
|
We
sat aneath thy spreadin' shade,
The bairnies round thee ran,
They pu'd thy bonnie berries red,
and necklaces they strang;
My mother, oh! I see her still
She smil'd our sports to see,
Wi' little Jeannie on her lap,
and Jamie at her knee.
Oh! Rowan tree.
And there arose my father's pray'r
In holy ev'ning's calm,
How sweet was then my mother's voice,
In the Martyrs' psalm!
Now a' are gone! we meet nae mair
Aneath the rowan tree,
But hallow'd thoughts around thee twine,
O' hame and infancy.
Oh! Rowan tree.
|
|
Return
to Home Page
